Dous días sen noticias de Celso Pérez Regueiro, enfermo de Alzheimer desaparecido en Sada

A Garda Civil da Coruña informou de que continúa o operativo de procura do home de 73 anos desaparecido en Sada desde a tarde deste venres.

Ás 09.00 horas deste domingo o punto de encontro para continuar coa procura é na zona do Pazo de Meirás e participan as patrullas de Seguridade Cidadá de Sada, Oleiros e Cambre, o servizo cinologico, Policía Local, persoal do servizo emerxencias, familiares do desaparecido e voluntarios.

Foi un familiar o que interpuxo unha denuncia no posto de Oleiros e o home, que sofre principios de Alzheimer ou algunha outra enfermidade dexenerativa.

O home, no momento da desaparición, levaba teléfono móbil, diñeiro en efectivo e vestía unha camiseta a raias e pantalón vaqueiro.