Deteñen a un veciño de Mazaricos por causar un incendio durante uns labores agricolas en Zas

O Servizo de Protección da Natureza (Seprona) de Corcubión detivo a un home como presunto autor dun delito de incendio forestal.

Tal e como relatan nun comunicado, as accións desenvolvéronse a raíz do incendio ocorrido o pasado día 6 de agosto na localidade de Prudenza no termo municipal de Zas, incendio que se reproduciu o día 9 do mesmo mes debido ás condicións meteorolóxicas na zona.
 

A Garda Civil iniciou unha investigación en aras do esclarecemento das causas do mesmo e a identificación do autor ou autores no seu caso.

Tras a análise da información solicitada, os gardas civís actuantes pescudaron que se estiveron realizando labores agrícolas con maquinaria na leira na que os investigadores situaran o punto de inicio do incendio.
 

Unha vez localizada a maquinaria que realizou devanditos labores, procederon á inspección ocular da mesma, constatando que esta carecía de elementos de retención de faíscas estipulados na lexislación vixente para a prevención e defensa contra os incendios forestais.
 

Unha vez coñecida a identidade do presunto responsable, a Garda Civil procedeu á súa detención como suposto autor dun delito de incendio forestal por neglixencia grave. O detido, xunto coas actuacións realizadas foi posta a disposición do Xulgado de Instrución de garda de Corcubión.