Dous do seis feridos no atropelo múltiple da Coruña permanecen ingresados no CHUAC en estado "grave"

Catro do seis feridos nun atropelo múltiple no centro da cidade herculina foron dados de alta hospitalaria -- entre eles un menor -- mentres os outros dous seguen ingresados no Complexo hospitalario universitario da Coruña (Chuac).

Segundo fontes municipais consultadas por Europa Press, dúas das vítimas, un home de 1950 e unha muller de 1963, ambos os veciños do municipio, continúan ingresados en estado "grave".
 

O suceso produciuse este mércores, día 27, ás 12.20 horas na rúa Juana de Veiga cando os peóns "estaban a cruzar debidamente" por un paso de peóns.
 

O condutor responsable do suceso foi detido e practicáronselle as correspondentes probas de drogas e alcol. Posteriormente, foi ingresado no Hospital de Oza por orde xudicial e baixo vixilancia policial.

Nacido en 1974 e con domicilio na Coruña, o home estaba aparcado nunha área reservada desa rúa e arrincou o coche cando as persoas comezaron a cruzar, segundo o mesmo recoñeceu aos axentes.