Condutor foxe da Garda Civil pero o atrapan bébedo e drogado en Carballo
O acusado ten retirado o permiso de conducir até o próximo ano pero aínda así conduciu o seu coche ata que unha patrulla o cazou en dirección prohibida. Aí empezou a persecución.
A Garda Civil ha detido a un veciño de Carballo acusado de varios delitos contra a seguridade viaria e de resistencia á autoridade por conducir sen permiso, ebrio e drogado en sentido contrario e tentar dar á fuga cando lle deron o alto.
Os feitos ocorreron na rúa Titanio do Polígono Industrial de Bértoa, en Carballo, cando unha patrulla de servizo atopouse cun vehículo que estaba a ser conducido de forma imprudente e en sentido contrario. Tras realizar unha manobra perigosa, o condutor tentou evadir á Garda Civil, "pondo en risco tanto aos usuarios da vía como á patrulla".
A pesar dos sinais luminosos e acústicos emitidas polos axentes, o individuo tentou dar á fuga, sendo finalmente interceptado polos axentes na rúa Bronce.
Ao home sometéuselle ás probas de alcol e drogas, que confirmaron a presenza de sustancias estupefacientes e alcohólicas no seu organismo. Durante a inspección, confirmouse que ao agora detido suspendéraselle temporalmente o permiso de conducir até o 31 de maio de 2025, por orde o Xulgado Penal 1 de Santiago.
Un exame máis detallado do vehículo levou ao descubrimento de sustancias estupefacientes no seu interior, incluíndo unha bolsa con po branco, presumiblemente cocaína, e outra cunha sustancia marrón, posiblemente haxix, previsiblemente para consumo propio.
Escribe o teu comentario