A Audiencia da Coruña xulga a un home acusado de formar parte dun grupo dedicado ao roubo en vivendas

A sección segunda da Audiencia Provincial da Coruña celebrará os días 3, 4, 5 e 6 o xuízo contra un home, de nacionalidade albanesa, acusado de roubos en vivendas de distintos municipios galegos, principalmente da localidade coruñesa de Oleiros. Tamén se produciron en Sanxenxo e outros concellos da provincia como Bergondo e Sada.

No seu escrito de cualificación, o Ministerio Público sostén que o procesado, xunto a outro compatriota, en paradoiro descoñecido, e outras persoas —algunhas delas sen identificar e outras con procedimeintos xudiciais abertos noutros xulgados— formaban un grupo organizado, con distribución de funcións, para o roubo en vivendas.

Facíano "tras forzar con ganzúas, desaparafusadores, patas de cabra ou obxectos similares as xanelas e portas que daban acceso ás mesmas, así como saltando os peches das citadas vivendas", explica Fiscalía.

Sinala ademais que o acusado, xunto cos demais intervininetes, participaban "no asalto a vivendas unifamiliares", principalmente do norte de España, desprazar indistintamente os diferentes membros do grupo a distintas comunidades autónomas.

É por iso que se trasladaban desde Cataluña, onde se atopaban asentados, ao resto de lugares, entre eles Navarra, País Vasco, Castela e León e, finalmente, Galicia, a bordo de vehícula, a maior parte de alta gama, con matrículas subtraídas ou dobradas.

Os desprazamentos anteriores producíanse polo tempo de 10 ou 15 días e, unha vez cometidos os feitos, regresaban de novo ao momento de partida, Cataluña, lugar onde contaban con diversos "zulos" escondidos en zonas boscosas onde ocultaban a documentación e os utensilios que utilizaban para perpetrar os roubos, así como parte do botín subtraído.

Estes desprazamentos repetíronse de forma continuada "cando menos desde xullo de 2021 até os primeiros meses de 2022", constando abertos distintos procedementos xudiciais fronte ao acusado e distintos membros do grupo en xulgados de Pontevedra, País Vasco, Navarra e Cataluña.

Para o Ministerio Público, os feitos son constitutivos dun delito continuado de roubo con forza en casa; outro delito leve de furto pola subtracción de placas de matrícula, ademais doutro por falsidade documental relativo ao uso de matriculas pertencentes a outros coches e elaboración de pasaportes. Fiscalía ten en conta o agravante do uso de disfrace e pide por eles penas que suman 10 anos e nove meses de prisión.