Aprender a ler as etiquetas dos alimentos para coñecer o que comemos
Santiago acolle este sábado un taller que explica os aspectos menos coñecidos e como mellorar a nosa compra.
O Centro de Interpretación Ambiental de Compostela (CIAC) ofrecerá este sábado un taller de lectura de etiquetaxe de alimentos co obxectivo de ensinarlle á cidadanía a comprender, entre outros, o significado de selos, certificados e aditivos.
Segundo explicaron representantes do centro nun comunicado remitido aos medios, o obxectivo desta iniciativa é aclarar o significado das etiquetas que traen os diferentes alimentos e produtos que, "en ocasións", "non se entenden moi ben".
Ademais, neste encontro achegarase información sobre os circuítos de "comercialización curta" en Galicia e alternativas de "baixo impacto ambiental" e "alto valor social e ecolóxico".
Este taller desenvolverase este sábado 2 de septiemnbre nas instalacións do CIAC a partir do mediodía e a súa participación é gratuíta, aínda que é necesario inscribirse previamente no correo electrónico ciac@santiagodecompostela.gal ou no número 981 543 145.
O SLG presenta alegacións á etiquetaxe dos lácteos
Un tercio de los gallegos que debe cambiar su alimentación no lo hace
O consumo frecuente de froitos secos axuda a evitar o sobrepeso e a obesidade
Escribe o teu comentario