Moción de censura en Ribeira: o PP roubará a alcaldía ao BNG cun acordo con PBBI
O alcalde nacionalista Luís Pérez Barral alcanzara a alcaldía co apoio do PSOE e do PBBI, que nun exercicio de transfuguismo concede o bastón de mando ao PP.
O PP de Ribeira presentou unha moción de censura no consistorio da localidade coruñesa xunto a catro concelleiros do Partido Barbanza Independente (PBBI) que devolverá aos populares á Alcaldía, que desde os comicios municipais do 2023 estaba en mans do nacionalista Luís Pérez Barral co apoio do PSOE e do PBBI.
Fontes consultadas por Europa Press confirmaron que a moción está asinada polos 10 edís do PP e catro do cinco que os independentes teñen na corporación.
De prosperar, a nova alcaldesa da localidade do Barbanza será a popular Mariola Sampedro, que tomou a substitución de Manuel Ruiz Rivas, actualmente no Senado. Está previsto que esta tarde ofreza unha rolda de prensa para explicar o acordo e os motivos desta moción de censura.
Escribe o teu comentario