VÍDEO | Yolanda Díaz comunica que non será candidata nas próximas eleccións xerais

Yolanda Díaz cumpriu o pasado 13 de xaneiro seis anos á fronte do Ministerio de Traballo. Levan a súa firma iniciativas como o Salario Mínimo Vital, a subida do Salario Mínimo Interprofesional dos 900 aos 1.221 euros actuais ou o intento por rebaixar a xornada laboral das 40 até as 37,5 horas semanais, así como a xestión dos ERTE durante a pandemia da Covid-19. Con todo, a política ferrolá, cabeza visible da candidatura de Sumar nas eleccións xerais de 2023 (en cuxas papeletas até aparecía o seu rostro), parece dar agora un paso atrás, tras afirmar que non se presentará ás próximas eleccións xerais. 

PASO ATRÁS

"Hoxe quero anunciarvos que non serei candidata ás próximas eleccións xerais de 2027. É unha decisión moi meditada e que comuniquei aos meus seres queridos, ao conxunto do meu espazo político e ao presidente do Goberno", comunicou Yolanda Díaz en redes sociais. 

Iso non significa, en calquera caso, que abandone a primeira liña política de maneira inmediata, senón que garante que seguirá "traballando no Goberno para cumprir o mandato nas urnas e avanzar en todo o que queda por facer". 

A dúbida que queda é si este anuncio "meditado" está estreitamente unido á súa ausencia o pasado fin de semana no lanzamento da coalición entre EU, Máis Madrid, Comúns e Movemento Sumar e despois de que a semana pasada o parlamentario de Esquerra Republicana, Gabriel Rufián, dese o pistoletazo de saída á súa iniciativa de conformar unha unidade no movemento á esquerda do PSOE de face ás próximas xerais como resposta ao auxe da extremaderecha. 

A saída de Yolanda Díaz supón un sismo na esquerda nacional, pois nas pasadas xerais Sumar, da que foi coordinadora xeral, lograse 31 representantes, claves para a alianza co Partido Socialista e a posterior investidura de Pedro Sánchez apoiado polo denominado "bloque progresista". 

MÁIS PRETO DE RUFIÁN"

Agora, queda por resolver a incógnita de si este adeus motiva unha sucesión inmediata en Sumar ou si ábrese unha vía para un posible entendemento entre esa alianza configurada o pasado fin de semana e a proposta de Rufián de priorizar o tacticismo e o pragmatismo nas próximas eleccións. Precisamente, a aínda vicepresidenta do Goberno fai unha mención expresa a este debate.

"Mentres no Goberno seguiremos facendo o noso traballo, ábrense de novo camiños para insuflar de vida e ilusión ao espazo progresista. Vímolo o pasado día 18 de febreiro, co debate pertinente e ambicioso que abriu Gabriel Rufián e vímolo o día 21 coa confirmación de que o espazo que Sumar puxo en pé segue con forza, vocación de maiorías e vontade de acordo e avance social. É o momento de ampliar a democracia e de enchela de sentido e esperanza. Iso é o que necesitamos. É necesario que esa enerxía, da que hoxe vemos os primeiros escintileos, creza", declara na misiva.

"Quero dar espazo e tempo para que o que está a nacer corra coa forza que merece, e acompañalo, coidalo, impulsalo con toda a miña enerxía e coa forza que me dá a convicción. E quero coidar tamén o Goberno de coalición progresista, porque é coidar a mellor ferramenta que temos para seguir gañando dereitos", engade a no seu día candidata de Esquerda Unida ou En Marea e que fose sinalada por Pablo Iglesias como a súa sucesora. A erosión tras máis dun lustro no cargo ou as friccións entre Sumar e Podemos puideron ser claves nesta decisión da de Fene.