​Gadisa abre en Viveiro o seu primeiro establecemento de 2018

|

Claudio viveiroA apertura crea seis postos de traballo. Foto: GADISA

O grupo Gadisa inaugurou en Viveiro o seu terceiro establecemento franquiado Claudio na localidade lucense e o primeiro de 2018, que supón a creación de 6 postos de traballo.


O novo punto de venda é un Claudio Express situado na estación de servizo de Magazos. Tal e como informa a compañía nun comunicado, "segue a filosofía que caracteriza a este tipo de establecementos: experiencia de compra rápida e cómoda, tanto no acceso como na disposición dos produtos; amplo horario de luns a domingo; e unha coidada selección de produtos de alimentación, hixiene e limpeza, a prezos de supermercado".


Á inauguración acudiron o propietario da estación de servizo, Paco Grela, acompañado de parte do seu equipo, e en representación de Gadisa, o director de franquía, Miguel Freire, o coordinador José Antonio Hermida e os responsables de montaxes de establecementos franquiados Sergio Trujillo e Fernando Seijo.


A rede de franquías Claudio prosegue a súa expansión tras pechar 2017 cun balance de 20 aperturas, das cales 15 son Claudio Express e as cinco restantes corresponden a establecementos Claudio. Hai pouco máis dun mes producíase unha dobre inauguración na provincia de Ourense, cunha apertura na capital e outra na Merca.


A posta en marcha do novo Claudio Express de Viveiro prodúcese só un día despois de que Gadisa abrise un novo Supermercado Gadis en Santa Marta de Tormes, o quinto na provincia de Salamanca, que supuxo a creación de 42 empregos directos.


"Esta apertura consolida o plan de expansión da compañía en Castela e León, onde xerou máis de 1.200 postos de traballo desde a súa implantación", subliña a empresa. Ás 173 franquías Claudio das que dispón xa Gadisa súmanse 218 Supermercados Gadis e 12 Cash Ifa en Galicia e Castela e León.


relacionada Gadisa reciclou o pasado ano 6.772 toneladas de cartón, 748 de plástico e 156 de madeira
relacionada Gadisa creceu un 6% en 2016 e aumentou o seu persoal en 227 traballadores

Sen comentarios

Escribe o teu comentario




Non está permitido verter comentarios contrarios á lei. Nos reservamos o dereito a eliminar os comentarios que consideremos fora de tema.
Cabecerarecomendadosgal 2
Cabeceraultimahora 2
Cabeceralomasleidogal 1


Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Condicións de uso Consello editorial
Powered by Bigpress