O encaixe de Camariñas, Premio Honorífico Nacional da Moda
Despois de 600 anos de historia desta técnica, calcúlase que hai unhas 2.000 palilleiras.
O Concello de Camariñas recibirá este mércores de mans da Asociación de Jóvenes y Nuevos Diseñadores Españoles (Ande) o Premio Honorífico Nacional da Moda polo uso, conservación e transmisión do coñecemento na elaboración do encaixe de Camariñas, unha artesanía que conta con 600 anos de historia.
Para outorgar este premio, o comité de Ande tivo en conta a "dilatada traxectoria" desta arte en Camariñas, así como o "traballo constante e incansable" das 'palilleiras', "unha profesión centenaria que se herdou xeración tras xeración" e que, hoxe en día, agrupa a unhas 2.000 artesás.
A Mostra do Encaixe de Camariñas é o gran evento ao redor desta arte tradicional que desde 1991 se celebra na localidade. En 2018, un dos obxectivos do Concello é que esta Mostra anual sexa considerada como Festa de Interese Turísticas Nacional, polo que o Premio Honorífico Nacional á Moda supón "un paso máis para lograr esta meta".
Escribe o teu comentario