Anota estas datas se non queres perder ningunha cita coa lectura

Efemérides de publicacións de Manuel Antonio, Castelao e Casares centran o 'Calendario do Libro e da Lectura 2018'.


|

Biblioteca libros


Os aniversarios das publicacións de A Galiña Azul de Carlos Casares, o poemario De catro a catro de Manuel Antonio ou da pronuncia do discurso Alba de gloria de Castelao son algunhas das citas principais do 'Calendario do Libro e da Lectura 2018', promovido polo departamento de Cultura da Xunta.


Este sábado, un día antes da celebración do 'Día da Edición' --que lembra o nacemento de Ánxel Casal--, a Consellería de Cultura deu a coñecer este calendario, que ten por obxectivo facilitar a planificación de actividades ao redor das principais datas vinculadas ao mundo literario.


Así, varias efemérides sumaranse o próximo ano ao habitual calendario de celebracións, que inclúe o 'Día da Ilustración' (30 de xaneiro), o 'Día da Lingua Materna' (21 febreiro), o 'Día da Poesía' (21 de marzo) ou o 'Día das Artes galegas' (1 de abril), entre outras citas.


Deste xeito, en 2018 lembraranse os 50 anos desde a publicación do libro A Galiña Azul de Carlos Casares (23 de decembro), así como o 70 aniversario do discurso Alba de gloria pronunicado por Castelao un 25 de xullo en Buenos Aires ou o 90 aniversario do poemario De catro a catro de Manuel Antonio, que terá lugar o 27 de marzo coincidindo co 'Día do Teatro'.


O calendario completo pode consultarse na páxina web 'www.cultura.gal'.


relacionada Un libro somete a revisión os últimos estudos da "deriva" recente do galego
relacionada ​Martiño Noriega compromete o apoio a todo o sector do libro galego

Sen comentarios

Escribe o teu comentario




He leído y acepto la política de privacidad

No está permitido verter comentarios contrarios a la ley o injuriantes. Nos reservamos el derecho a eliminar los comentarios que consideremos fuera de tema.

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Aviso legal - Política de Cookies - Política de Privacidade - Configuración de cookies - Consello editorial - Publicidade
Powered by Bigpress
CLABE