Os ex consellers e Puigdemont, desde Bélxica: "En España estariamos en prisión"

A conselleira catalá de Agricultura cesada, Meritxell Serret, celebrou este luns que o xuíz belga que tomou declaración aos membros do Govern cesado que se atopan en Bruxelas ditase liberdade con medidas cautelares: "En Bélxica dannos liberdade sen fianza, mentres en España estariamos en prisión".

"Moitas grazas polos apoios, sobre todo de Vallfogona de Balaguer", municipio leridano do que é orixinaria, publicou Serret nunha mensaxe de Twitter.

O xuíz ditou o domingo pola noite liberdade para Carles Puigdemont e os seus consellers Serret, Toni Comín, Clara Ponsatí e Lluís Puig coa prohibición de saír do territorio belga sen acordo do xuíz de instrución e a obrigación de residir nunha dirección fixa e de presentarse persoalmente cando sexan convocados polas autoridades xudiciais ou policiais.

Ningunha destas medidas cautelares, ditadas tras unhas 14 horas de arresto, son recurribles.

Amplía esta información en Catalunyapress.