A nova cuberta da bancada de Río de Balaídos non aguanta e ten que ser desmontada

|

ObrasbalaidosgradaObras na bancada de Río. Foto: @esejes Twitter

O Concello de Vigo retirará o módulo central da nova cuberta de Río, no estadio de fútbol de Balaídos, ao detectarse un "problema" na estrutura metálica izada, concretamente ao soltarse 13 das 3.000 barras que forman o primeiro módulo da estrutura.


Así o comunicou este martes o alcalde, Abel Caballero, que, aínda que indicou que ningunha das barras chegou a caer, apuntou que "o primeiro é garantir a estabilidade da estrutura", para o que se está suxeitando e asegurando o módulo afectado antes de baixalo para revisalo.


Unha vez no chan, os operarios examinarán os condicionantes externos --temperatura, vento e trazabilidade-- e farán unha inspección para "ver se hai algún patrón que identifique por que se soltaron esas barras". "Unha vez aí saberemos onde está o fallo e se o resto está ben", remachou.


Con este imprevisto, que definiu como "un inconveniente", recoñeceu que a obra "seguramente" se atrasará "algo", aínda que considerou que para o próximo partido "estará delimitado o alcance". "Son 13 ferros, pero queremos seguridade total de que todo está controlado", sentenciou.


relacionada O que falta por reformar de Balaídos necesita outros 900.000 euros máis
relacionada A reforma de Marcador, Gol e o parking, próximos pasos en Balaídos

Sen comentarios

Escribe o teu comentario




Non está permitido verter comentarios contrarios á lei. Nos reservamos o dereito a eliminar os comentarios que consideremos fora de tema.

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Aviso legal Cookies Consello editorial Publicidade
Powered by Bigpress