A Orquestra Sinfónica de Galicia inicia unha nova tempada
Comeza en Vigo coa Sinfonía 'Resurrección' de Gustav Mahler, pero sumará un total de 50 datas.
A Orquestra Sinfónica de Galicia (OSG) inicia este xoves en Vigo unha nova tempada de concertos coa Sinfonía 'Resurrección' de Gustav Mahler, segundo informa o conxunto orquestral.
En concreto, actuará na cidade olívica, en colaboración co Concello e o Auditorio Mar de Vigo. Mentres, a partir do venres arrincará a súa nova tempada de concertos na Coruña con senllas actuacións o venres e o sábado.
Baixo a dirección do seu titular Dima Slobodeniouk e co Coro da OSG que dirixe Joan Company, a OSG abre unha programación na que ofrecerá un total de 25 programas no seu ciclo de abono venres e 11 no abono sábado.
Ademais destes ciclos, o conxunto orquestral galego ofrecerá 14 concertos en Galicia, con oito concertos en Vigo, cinco en Ferrol e un en Santiago de Compostela.
A Orquestra Sinfónica de Galicia desembarca en outubro en Vigo
A Novena de Beethoven soou coma nunca no Obradoiro
Escribe o teu comentario