Os sindicatos e Inditex lembran o compromiso da empresa coas condicións laborais
Hai dez anos o giganta téxtil subscribiu un acordo internacional que afecta a un millón e medio de persoas.
Fábrica téxtil en Bangladesh.
Inditex, IndustriaLL, CCOO de Industria e a Federación de Industria, Construción e Agro UGT (UGT FICA) celebran este mércores os dez anos do acordo subscrito entre o xigante téxtil e o sindicato internacional para tratar de mellorar as condicións laborais dun millón e medio de persoas.
O acordo marco global de Inditex e IndustriALL, subscrito en outubro de 2007, supuxo, segundo destacan os sindicatos UGT e CCOO, un "fito importante" para a industria e unha "oportunidade real" para melloras laborais do millón e medio de persoas que traballan nas 7.000 fábricas que producen para a multinacional española en todo o mundo.
Para facer balance do que ocorreu nesta década, a empresa e o sindicato internacional organizaron este mércores un acto en Madrid ao que asistirá o presidente de Inditex, Pablo Isla, o secretario xeral de IndustriALL e a subdirectora da oficina que a Organización Internacional do Traballo (OIT) ten en España.
Escribe o teu comentario