A débeda pública de Galicia sobe case un 6% e a Xunta presume de que baixou
O Banco de España fai públicos os datos comparados con hai un ano, pero o goberno autonómico elixe outro período para que saian as súas contas.
A débeda pública de Galicia subiu un 5,93% no segundo trimestre do ano en comparación co mesmo período do ano anterior, ata alcanzar os 11.363 millóns de euros.
De acordo cos datos que publica este venres o Banco de España, esta contía supón un 19,2% do produto interior bruto (PIB) galego, cinco décimas máis que no segundo trimestre de 2016.
Con todo, a reacción da Xunta a estas cifras foi emitir un comunicado onde defende que a débeda pública baixou. Pero o truco está en que o goberno galego compara os datos cos de fai tres meses, mentres o Banco de España analiza a evolución desde hai un ano.
O comunicado da Xunta tamén destaca que ese 19,2% que representa a débeda sobre o PIB é a cuarta menor cifra de endebedamento entre todas as comunidades autónomas de España.
E remata manifestando que o seu obxectivo é que este 2017 non aumente o endebedamento.
Escribe o teu comentario