O Parlament volve atrasar as manobras sobre as leis de 'desconexión'
A Mesa da cámara deixa outra vez fóra do próximo pleno a lei do referendo e a de transitoriedade presentada o luns.
A Mesa do Parlamento catalán tampouco abordou este martes a lei do referendo que dá cobertura á consulta anunciada para o 1 de outubro nin a de transitoriedade xurídica, e descartou por agora incluílas no orde do día do próximo pleno, previsto para o 6 e 7 de setembro.
Segundo fontes parlamentarias, a maioría independentista na Mesa argumenta o atraso polas "ameazas" do Estado e do Tribunal Constitucional (TC).
Tras o encontro, a deputada da CUP Anna Gabriel dixo que o seu grupo pactara con JxSí que a lei do referendo se tramitase o 16 de agosto, "pero JxSí variou a súa estratexia polos últimos movementos do TC". A CUP, con todo, avoga por "deixarse de astucias, ser transparentes e tramitar as leis con normalidade".
Amplía esta información en Catalunyapress.
Rajoy e Sánchez acordan responder conxuntamente ao desafío independentista
Os independentistas aprobarán antes do 1-O a lei que deseña a transición
Escribe o teu comentario