Segue estes consellos para deixar de recibir chamadas e emails non desexados

A Axencia Española de Protección de Datos explica as medidas e pasos a seguir que podemos emprender como consumidores.


|

DatosseguridadinformaticaA AEPD divulga consellos contra o spam.


A Axencia Española de Protección de Datos (AEPD) creou un espazo web con consellos para axudar aos cidadáns a evitar a recepción de publicidade non desexada, incluíndo chamadas telefónicas e correos electrónicos, segundo comunicou a institución.


A web, organizada en oito seccións, ofrece ao cidadán información clara e completa para coñecer que pasos seguir para impedir a recepción de publicidade tras a apertura por parte da AEPD de 282 expedientes por spam e 414 por publicidade mediante outros medios en 2016.


Entre os consellos, a axencia destaca inscribirse na 'Lista Robinson' para evitar recibir publicidade por chamadas ou outros medios. Esta ferramenta é o único ficheiro común de exclusión publicitaria que existe en España e está xestionado de forma independente pola Asociación Española de Economía Dixital.


Neste sentido e de forma gratuíta, o usuario pode seleccionar o medio ou medios que utilizan datos persoais obtidos de fontes públicas dos que non quere recibir publicidade. Desta lista de entidades vetadas exclúense os casos nos que o propio cidadán autorizase a unha empresa enviarlle publicidade.


Para facer fronte a isto, a sección ofrece consellos como evitar dar o consentimento, retiralo se xa se deu ou exercer o dereito de oposición ou cancelación ante a empresa. O espazo web tamén recolle que pasos seguir para que os datos persoais non aparezan nas guías telefónicas ou non sexan utilizados para enviar publicidade


Por último, indícase como actuar se o cidadán segue recibindo publicidade non desexada tras poñer en práctica os consellos, así como a documentación mínima necesaria para presentar ante a Axencia se desexa realizar unha denuncia ou a que organismo se debe dirixir en caso de acoso telefónico.

Sen comentarios

Escribe o teu comentario




He leído y acepto la política de privacidad

No está permitido verter comentarios contrarios a la ley o injuriantes. Nos reservamos el derecho a eliminar los comentarios que consideremos fuera de tema.

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Aviso legal - Política de Cookies - Política de Privacidade - Configuración de cookies - Consello editorial - Publicidade
Powered by Bigpress
CLABE