O metal coruñés volve á folga e convoca unha gran manifestación
Participarán traballadores de distintas zonas da provincia. Se non hai avances, en setembro endurecerán as protestas.
Sétima xornada de folga do metal.
O sector do metal coruñés convocou unha gran manifestación na Coruña este xoves, coincidindo coa que será a sétima xornada de folga polo bloqueo da negociación dun novo convenio colectivo e coa ameaza sobre a mesa de que o paro se converta en indefinido a partir de setembro, de non haber avances.
A marcha está previsto que arranque ás 12,30 horas de Santa Cristina e levará as reivindicacións dos traballadores, centradas en melloras sociais, ata a Praza Luís Seoane.
A ela acudirán profesionais da comarca de Ferrolterra, onde, o pasado xoves, a asemblea na que participaron uns 400 traballadores concluíu co anunciou de que este xoves irán "todos" ata A Coruña para celebrar esta gran mobilización.
Os sindicatos CC.OO., UGT e CIG esixen medidas para combater a "precariedade" como límites ás empresas de traballo temporal (ETT) e ás mutuas, así como a subrogación do emprego. O convenio desta provincia leva sen actualizarse desde 2014.
Pontevedra adiántase á Coruña no fin do conflito do metal
Os sindicatos do metal da Coruña unifican as súas esixencias para o convenio
Escribe o teu comentario