O móbil de Diana Quer non conserva nada relevante para avanzar no caso

O móbil puido ser desbloqueado hai unhas semanas.

Os axentes encargados de analizar o contido do móbil desbloqueado de Diana Quer non atoparon nada novo que sirva para avanzar na investigación.

Tal e como informan varios medios, estas pistas non están entre os datos dos últimos minutos, aqueles que aínda non estaban sincronizados coa nube persoal da moza madrileña.

Con todo, tal e como confirmou hoxe o delegado do Goberno en Galicia, a información aínda "está a ser analizada", á vez que lembrou que os datos que conteña son "unha parte máis da investigación".

En declaracións aos medios sobre o contido deste dispositivo, descartou entrar nos datos dos que dispoñen e que "ten que ser o xuíz" e a "familia" os "primeiros" en coñecelos.

"Os datos que teña o teléfono poden levar a acentuar unha liña de investigación ou a pechar liñas abertas", dixo Villanueva, que confiou en "poder resolver" un caso que, lembrou, foi "moi complicado". "Hai liñas que están bastante encamiñadas, pero a investigación segue", resumiu.