Falece afogado un home que se bañaba nun encoro de Bande

|

EmbalseconchasbandeEncoro das Cunchas.


Un home faleceu afogado no encoro das Conchas, en Bande (Ourense). A vítima fora a bañarse á noitiña á zona da desembocadura do río Cadós.


Segundo informou o centro de atención a emerxencias, foi un particular o que deu a voz de alarma ao 112 sobre as 23,00 horas. Segundo relatou, o home estaba na auga cando, de súpeto, desapareceu.


O 112 alertou ao 061, ao GES de Muíños, a Protección Civil e á Garda Civil.


Os efectivos de emerxencia puxeron en marcha un operativo de procura da vítima. Cara á media noite localizaron o seu corpo, que foi trasladado a terra nunha embarcación.

Morre afogado un home nunha praia de Cabanas
Aparece o corpo dun home afogado nunha piscina en Gondomar

Sen comentarios

Escribe o teu comentario




Non está permitido verter comentarios contrarios á lei. Nos reservamos o dereito a eliminar os comentarios que consideremos fora de tema.