Máis sancións para os propietarios que non rocen as súas leiras

|

Roza


O secretario xeral de Montes, Tomás Fernández-Couto, asegurou que a Xunta non descarta endurecer as sancións para manter o monte limpo. "Non o descartamos en absoluto", subliñou, xusto despois de mostrar a súa preocupación polo "alto nivel de incumprimento" no que se refere á limpeza do monte galego.


Por iso, o Goberno galego, explicou nunha entrevista en Radio Galega recollida por Europa Press, está a barallar a posibilidade de impulsar medidas "máis contundentes". "A lei marca as distancias das plantacións e son extremadamente importantes", remarcou.


Preguntado por cal será a posición do novo plan forestal con respecto ao eucalipto, e co gran incendio de Portugal aínda na retina, o secretario xeral de Montes indicou que no dito plan se buscará desenvolver medidas de regulación para conseguir o "equilibrio" entre as distintas especies.


O obxectivo deste novo plan, continuou, é que sexa "equilibrado", responda as necesidades dos galegos e sexa "consensuado".


CONTROL DA VEXETACIÓN


A causa máis xeneralizada de incendios, sinalou Fernández-Couto, é o control da vexetación. "Todo o mundo sabe en Galicia que no verán non se pode facer uso do lume no territorio rústico", subliñou, para logo defender a necesidade de que se utilicen medios mecánicos para rozar, e nunca o lume.


Así mesmo, apostou por ver como vai evolucionando a climatoloxía e indicou que Galicia aínda conta co verde da primavera. A continuación, sinalou que a parte máis preocupante é que os lumes están "moi relacionados" na comunidade coa "actividade incendiaria", ao que en ocasións se suman as condicións atmosféricas.


A este respecto, referiuse aos ventos do nordeste en Pontevedra e A Coruña, e aos ventos rachados do sur, "moi quentes no verán" no sur de Lugo e Ourense.


Con todo, precisou que o número de incendios está a diminuír en Galicia, pois actualmente, engadiu, Galicia rexistra "unha terceira parte dos números que tiña hai unha década".

relacionada Oito parroquias galegas acumulan máis de 600 incendios forestais no último lustro
relacionada PSdeG denuncia que a Xunta deixou 39 millóns en prevención de incendios sen executar
relacionada As queimas agrícolas e forestais quedan prohibidas a partir deste mércores

Sen comentarios

Escribe o teu comentario




He leído y acepto la política de privacidad

No está permitido verter comentarios contrarios a la ley o injuriantes. Nos reservamos el derecho a eliminar los comentarios que consideremos fuera de tema.

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Aviso legal Cookies Consello editorial Publicidade
Powered by Bigpress