A folga de estibadores ocasiona xa perdas de 146 millóns, segundo Fomento

|

Delaserna 2


O Ministerio de Fomento cifra en 110 millóns de euros o impacto total, directo e indirecto, que a folga de 48 horas dos estibadores nos portos ocasionou na economía española, segundo informa Portos do Estado.


Este custo elévase a 146 millóns tras sumar os 36 millóns de perdas que xa se calcularon para os tres días de paros parciais que os estibadores secundaron a pasada semana.


Do impacto total de 110 millóns estimado para a actual folga de 24 horas, 50 millóns corresponden ás perdas dos portos e as empresas que traballan nestas instalacións.


Os 60 millóns restantes son os custos que o paro causou a empresas e clientes dos portos, sendo o da automoción uno dos máis damnificados, dado que, segundo a patronal de fabricantes de coches Anfac, estima unha perda duns 4,2 millóns.


"A folga mantida polos estibadores españois as últimas 48horas está a causar danos importantísimos na economía española ao impactar sobre un sector, o loxístico, encargado de garantir a circulación de bens e materias primas, tanto destinados ao consumo como para abastecer á industria, á agricultura e ao resto de sectores económicos, e tamén para dar saída aos bens producidos con destino á exportación ou cara aos territorios extra peninsulares", asegura Portos nun comunicado.

relacionada Os estibadores convocan catro novos paros parciais de 48 horas

Sen comentarios

Escribe o teu comentario




Non está permitido verter comentarios contrarios á lei. Nos reservamos o dereito a eliminar os comentarios que consideremos fora de tema.

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Aviso legal Cookies Consello editorial Publicidade
Powered by Bigpress