Gandeiros de Perú visitan Galicia para intercambiar experiencias co sector lácteo
Os produtores peruanos tamén darán a coñecer como diversifican e melloran o seu sector agroindustrial rural.
Unha delegación de produtores de Perú, especializados en vacún e coellos de Indias, visita desde este luns Galicia para intercambiar experiencias co sector lácteo e gandeiro.
Así, representantes do Centro de Capacitación Agroindustrial Jesús Obrero de Cuzco chegan á Comunidade da man da ONGD Entreculturas e Taller de Solidariedade.
Este luns e martes estarán en Lugo, mentres que visitarán Santiago os días 24 e 26 de maio, así como o 25 de maio estarán en Ourense, segundo informa a organización do encontro.
Con esta visita, os produtores peruanos tamén darán a coñecer como diversifican e melloran o sector agroindustrial rural na provincia de Quispicanchi, en Cuzco, a través da produción e comercialización de lácteo, cogomelos e coellos de Indias --é o primeiro país produtor e consumidor desta carne--.
Escribe o teu comentario