Os estibadores ameazan con folga se non se garante o emprego

|

Estibadoresbarcelonaescrache


A Coordinadora Estatal de Traballadores do Mar (CETM) confirmou que convocará aos estibadores á folga a partir do próximo 24 de maio se o Goberno mantén o novo Real Decreto Lei aprobado no Consello de Ministros e se non garante a estabilidade no emprego para todos os traballadores e a profesionalidade da estiba.


En rolda de prensa, o coordinador xeral da CETM, Antolín Goya, anunciou que decidiron manter o preaviso de folga ao entender que o Real Decreto Lei aprobado o pasado venres pretende "liberalizar o sector e despedir aos estibadores portuarios con fondos públicos para colocar a outros nunhas condicións moito menos atractivas para os traballadores e moito máis rendibles para as empresas, que o único que pretenden é obter maior amplitude de beneficios".


Antolín Goya afirmou que a actitude do Goberno "está a deixar moito que desexar", pois leva catro meses dicindo que a multa sobre España é "inminente" e esta non chegou, polo que "se pon de manifesto que había tempo suficiente para poder abordar unha negociación e buscar unha solución e cumprir con Europa sen que isto fose un conflito nos portos e sen que se teña que destruír emprego".

relacionada O Goberno aproba un novo Decreto para reformar a estiba e evitar unha multa da UE

Sen comentarios

Escribe o teu comentario




Non está permitido verter comentarios contrarios á lei. Nos reservamos o dereito a eliminar os comentarios que consideremos fora de tema.

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Aviso legal Cookies Consello editorial Publicidade
Powered by Bigpress