Pérez Canal preséntase á reelección como presidente da CEO
Mostrouse disposto a traballar para mellorar as condicións das empresas asociadas e do empresariado da provincia en xeral.
Pérez Canle (esq) con Jorge Cebreiros (dcha) // EP
José Manuel Pérez Canal presentou este venres a súa candidatura á reelección como presidente da Confederación Empresarial de Ourense (CEO), unha lista que definiu como "solvente, equilibrada, representativa e ambiciosa" para facer fronte "ao reto de dirixir a CEO no próximos catro anos.
Pérez Canle mostrouse disposto a traballar para mellorar as condicións das empresas asociadas e do empresariado da provincia en xeral, achegando o seu "gran de area" para "contribuír a liquidar os problemas e retos pendentes da sociedade ourensá".
A candidatura, que definiu como resultado do equilibrio entre integración e confianza, está encabezada polo propio José Manuel Pérez Canal e integrada por Alejandro Cruz Iglesias, José Manuel Díaz Barreiros, Marisol Nóvoa González e Manuel Maneiro López como vicepresidentes; tesoureiro, Juan Manuel Piñeiro Rivas.
Ademais, como contadora, Rosa María Sánchez Gándara; vogais, Eligio Neto Lamas, Beatriz Gómez Valcárcel, Eduardo Cid Fernández, María del Carmen Rodríguez González, Antonio Dieter Moure, Manuel Carballeda Ramos, Severino González Álvarez, Vicente Vázquez Agromayor, Benito Iglesias Padrón e Manuel González García.
Feijóo ve á CEG "en situación límite"
Pontevedra pedirá a suspensión temporal na CEG e Ourense podería seguir o mesmo camiño
Escribe o teu comentario