Detido o presunto autor dunha agresión sexual a unha moza no Porriño

Axentes da Garda Civil detiveron un home como presunto autor de unha agresión sexual ocorrida na noite do pasado venres na localidade pontevedresa do Porriño.

Tal e como informaron a Europa Press fontes do Instituto Armado, os feitos ocorreron na madrugada do venres, cando supostamente un home agrediu sexualmente a unha moza. Por mor diso, iniciouse unha investigación que permitiu deter ao presunto autor destes feitos.

O home pasou disposición xudicial este luns, tras o que quedou en liberdade provisional, aínda que investigado por un suposto delito de agresión sexual.

Ademais, terá que comparecer quincenalmente no xulgado, segundo informaron a Europa Press fontes do Tribunal Superior de Xustiza de Galicia.