Industria, agroalimentación e luxo, oportunidades de exportación de Galicia a China

A Xunta tamén aposta por abrir a Comunidade a investidores chineses e sinala a Hengqin como porta de entrada a negocios con países hispanos. 


|

Internacionalizacionchina


Industria, agroalimentación, bens de luxo e servizos son "as maiores oportunidades en próximos anos" de exportacións de empresas galegas a China, segundo identificou este luns o conselleiro de Economía, Emprego e Industria, Francisco Conde.


Así o expuxo Conde durante a súa intervención nunha xornada do Club Financeiro de Santiago e Audicon sobre internacionalización de empresas galegas no mercado chinés, onde observa "moitas posibilidades" nun "un enorme mercado".


Sobre este extremo, destacou que en 2016 as exportacións desde Galicia a China creceron un 15% respecto de 2015, de forma que 477 empresas realizaron vendas a este mercado por 207,5 millóns de euros.


Nesas exportacións, Conde chamou a atención sobre o crecemento do sector agroalimentario, en particular do cárnico relacionado co porcino, con aumentos "de dous díxitos".


Este ano prevese "intensificar" a presenza no país oriental, así como reforzar os esforzos en favor das pequenas e medianas empresas, "que teñen máis dificultades". Ademais, lembrou que a Xunta conta cunha oficina comercial en Shanghái.


ABRIR GALICIA A CHINA COMO LUGAR PARA INVESTIR


Xunto a isto, o conselleiro de Economía móstrase partidario "tamén de abrir" Galicia a China como "un lugar onde investir", nunha "internacionalización de dobre vía".


De tal forma, aposta por que "esa ponte entre Galicia e China cada vez sexa máis intensa", á vez que identifica o mercado chinés como "un destino moi atractivo, de calidade".


HENGQIN E OUTROS SECTORES


Neste encontro abordouse a situación da illa de Hengqin, a única zona designada polo goberno de China como plataforma para promover o comercio con países de fala hispana.


Aquí tamén se sinalan oportunidades en campos como as enerxías renovables, o turismo, as franquías e as infraestruturas de saneamento.

relacionada O téxtil leva a Galicia a tocar un novo máximo histórico en exportacións

Sen comentarios

Escribe o teu comentario




He leído y acepto la política de privacidad

No está permitido verter comentarios contrarios a la ley o injuriantes. Nos reservamos el derecho a eliminar los comentarios que consideremos fuera de tema.

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Aviso legal - Política de Cookies - Política de Privacidade - Configuración de cookies - Consello editorial - Publicidade
Powered by Bigpress
CLABE