A campaña da biopsia líquida supera o seu obxectivo de 500.000 euros no seu último día

|

Biopsialiquidaequipo


A campaña do Grupo de Oncoloxía Médica Translacional do Instituto de Investigación Sanitaria de Santiago (Oncomet) para avanzar na investigación da biopsia líquida está de celebración. Este martes, o último día de recollida de achegas no marco da súa campaña de micromecenazgo, superaron os 500.000 euros que se marcaron como obxectivo para poder levar a cabo este proxecto.


Nas últimas horas, o grupo intensificara a petición de colaboracións para abrir novas vías de tratamento e ampliar o número de pacientes que xa están a ser tratados con esta nova técnica de loita contra o cancro. 


Así, o último dos 90 días marcados para a súa campaña de micromecenazgo arrincou a falta unicamente dun 5% para completar o obxectivo marcado. A mobilización foi importante e a media mañá o grupo xa superara a barreira dos 500.000 euros coa colaboración de case 5.000 'cofinanciadores'.


Nun vídeo colgado na súa páxina de Facebook, Oncomet ao completo agradeceu "a toda a sociedade civil galega" o apoio recibido, que "superou con fartura as expectativas". "A campaña termina, pero o noso traballo continúa. Xuntos, investigadores e cidadáns, conseguiremos gañarlle a batalla ao cancro", dixo o seu director, Rafael López.



Sobre a biopsia líquida, o doutor López aclarou que "se está empezando a aplicar ao un por cento do seu potencial" e considera que "dentro duns cinco ou oito anos utilizarase xa de forma masiva nos hospitais de España".

relacionada A campaña da biopsia líquida, a menos de 50.000 euros de lograr o seu obxectivo

Sen comentarios

Escribe o teu comentario




Non está permitido verter comentarios contrarios á lei. Nos reservamos o dereito a eliminar os comentarios que consideremos fora de tema.
Cabecerarecomendadosgal 2
Cabeceraultimahora 2
Cabeceralomasleidogal 1


Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Condicións de uso Consello editorial
Powered by Bigpress