Falece un home en Portas ao envorcar o seu tractor
Un dos fillos chamou a emerxencias explicando que o seu pai quedara atrapado debaixo da maquina.
Un home faleceu este martes no municipio pontevedrés de Portas debido ao envorco do seu tractor, debaixo do cal quedou atrapado.
Diso deu conta a Europa Press o 112, que indicou que o suceso tivo lugar sobre as 14,15 horas e que foi un dos fillos do agora falecido quen deu o aviso.
Na súa chamada a emerxencias, explicou que o seu pai quedara atrapado debaixo do vehículo agrario e que cría que podía estar morto.
Ata o lugar, unha leira no lugar da Peroxa, na parroquia de Portas, desprazouse unha ambulancia do 061, Protección Civil de Portas, Bombeiros do Salnés e o grupo de emerxencias supramunicipal de Valga. Unha vez alí, o persoal de emerxencias confirmou a morte.
Ferido de gravidade un home ao quedar atrapado baixo o seu tractor en A Rúa
Falece unha persoa nun accidente de tractor en Carballo
Morre un home ao quedar atrapado baixo o seu tractor na Estrada
Escribe o teu comentario