Deteñen na entrada da Casa Branca un condutor que dixo que levaba unha bomba
Os servizos de seguridade parárono no control do acceso. Descoñécese se a ameaza era real.
Unha persoa foi detida na contorna da Casa Branca despois de que conducise o seu coche ata o lugar de control da residencia do presidente dos Estados Unidos e asegurase que traía unha bomba no seu vehículo, informou a cadea CNN citando funcionarios de seguridade.
De momento descoñécese se hai algún artefacto no vehículo, aínda que se reforzou a seguridade da Casa Branca e varias rúas limítrofes foron pechadas.
Os servizos de seguridade detiveron unha persoa e o coche está a ser rexistrado, aseguraron fontes oficiais á cadea norteamericana.
Escribe o teu comentario