Un coche atropela un menor en Pereiro de Aguiar e fúgase
O neno non ten feridas graves, pero o condutor non chegou nin a parar para interesarse polo seu estado.
Un turismo que circulaba polo lugar de Ordelles, na parroquia de Chaodarcas, en Pereiro de Aguiar, deuse á fuga despois de atropelar un menor.
Segundo indicou o CAE 112 Galicia, os feitos ocorreron sobre as 20,00 horas deste sábado na localidade ourensá de Pereiro de Aguiar. A pesar de que o neno non revestía gravidade, si se atopaba con problemas de orientación.
Unha vez recibida a alerta da nai do menor, o CAE 112 Galicia puxo os feitos en coñecemento do persoal sanitario, da Garda Civil de Tráfico e dos efectivos do GES da localidade.
Ferida unha persoa ao ser atropelada nun paso de peóns no centro de Santiago
Un condutor atropela dúas persoas en Sanxenxo e dáse á fuga
Unha nena de nove anos resulta ferida nun atropelo en Ourense
Escribe o teu comentario