Pondal, imaxe do cupón da ONCE con motivo do centenario do seu falecemento

|

Onceeduardopondal


O cupón da ONCE deste venres, 9 de marzo, estará protagonizado pola figura do poeta Eduardo Pondal con motivo do centenario da súa morte. Cinco millóns e medio de cupóns difundirán por toda España esta celebración.


O delegado territorial da ONCE en Galicia, Manuel Martínez Pan; o presidente da Real Academia Galega, Xesús Alonso Montero; e o alcalde de Ponteceso e presidente da Fundación Eduardo Pondal, Xosé Lois García Carballido, presentaron este cupón na sede da RAG.


Cinco millóns e medio de cupóns da ONCE lembrarán por toda España a figura poética de Pondal, autor de 'Os Pinos', cuxas primeiras estrofas son a letra do Himno de Galicia.


O cupón mostra a efixie dun Eduardo Pondal "novo e romántico", asegurou o presidente da RAG, quen aplaudiu esta iniciativa, do mesmo xeito que o alcalde de Ponteceso, quen se mostrou "agradecido" de que o nome desta localidade coruñesa percorra toda a xeografía española.


"A literatura galega está hoxe de noraboa", afirmou Alonso Montero antes de dar por terminado o acto que cualificou de "histórico".

Sen comentarios

Escribe o teu comentario




Non está permitido verter comentarios contrarios á lei. Nos reservamos o dereito a eliminar os comentarios que consideremos fora de tema.

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Condicións de uso Consello editorial
Powered by Bigpress