Localizan no seu coche en Cedeira o mozo desaparecido en Ferrol
Atopábase en bo estado, pero trasladárono ao hospital para un recoñecemento médico. Volveu a casa ao recibir a alta.
O veciño de Ferrol de 26 anos de idade Jonathan Fiel Cabadas, que estaba en paradoiro descoñecido desde o pasado sábado, 25 de febreiro, foi localizado no seu vehículo no municipio de Cedeira (A Coruña).
O home atopábase no interior do seu vehículo, un Ford Fiesta vermello, que tamén se buscaba desde o sábado, xa que os seus familiares apuntaran a falta do vehículo.
Despois do achado, sobre a medianoite, o mozo foi trasladado ao servizo de Urxencias do Hospital Arquitecto Marcide, en Ferrol, onde, tras realizarlle un recoñecemento médico, foi dado de alta horas máis tarde, tras o que se trasladou ao seu domicilio.
Buscan un mozo de 26 anos que falta do seu domicilio de Ferrol desde o sábado
Escribe o teu comentario