Falece un neno de 12 anos en Ponteareas ao precipitarse desde a xanela dun edificio

Un particular alertou de que un neno caera desde o alto dun edificio cara á Praza da Perillana, en Ponteareas.


|

Prazaperillanaponteareas


Un neno de 12 anos faleceu na tarde deste luns na localidade pontevedresa de Ponteareas ao precipitarse desde a xanela dun edificio, sen que os efectivos de emerxencias puidesen facer nada por salvar a súa vida.


Segundo informou a Europa Press fontes do CAE 112 Galicia, sobre as 15,30 horas deste luns un particular alertou de que un neno caera desde o alto dun edificio cara á Praza da Perillana, en Ponteareas.


O 112 deu o aviso aos Bombeiros de Ponteareas, á Policía Local, á Garda Civil, e a Urxencias Sanitarias de Galicia-061, que desprazou unha ambulancia. Inicialmente íase mobilizar tamén un helicóptero medicalizado, pero ao confirmarse a morte do menor, a súa intervención foi suspendida.


Ata o lugar mobilizáronse, así mesmo, psicólogos Grupo de Intervención Psicolóxica en Catástrofes e Emerxencias (Gipce), para atender aos achegados do menor, cuxo domicilio familiar se sitúa na sexta planta do edificio do que caeu. De momento, descoñécense as circunstancias do accidente.

Sen comentarios

Escribe o teu comentario




He leído y acepto la política de privacidad

No está permitido verter comentarios contrarios a la ley o injuriantes. Nos reservamos el derecho a eliminar los comentarios que consideremos fuera de tema.

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Aviso legal - Política de Cookies - Política de Privacidade - Configuración de cookies - Consello editorial - Publicidade
Powered by Bigpress
CLABE