Detido un home en Lugo por ameazar e perseguir a súa parella cun coitelo

A Policía Local da cidade acudiu á vivenda de madrugada. O Xulgado de Violencia de Xénero farase cargo da causa.


|

Violenciamachistagenero


Axentes da Policía Local de Lugo, adscritos á Unidade de Policía de Barrio, detiveron un home por un suposto delito de violencia de xénero tras ameazar e perseguir á súa parella cun coitelo.


Segundo informou a Policía Local, sobre as 5,35 horas do domingo día 12 foi detido A.E.C.C., de 42 anos e nado en Colombia, por un suposto delito de violencia de xénero contra a súa esposa na súa vivenda da rúa Rof Codina.


A Policía Local sinalou que o home a perseguiu pola casa cun coitelo na man, todo iso despois de que o home se tirase na cama encima dela tras chegar ao seu domicilio "en aparente estado de embriaguez", segundo o relato policial.


O detido e a súa parella foron conducidos a dependencias policiais, onde se instrúen as dilixencias, remitidas ao Xulgado de Violencia de Xénero de Lugo.

relacionada Detido un home de 77 anos na Coruña por apuñalar a súa muller
relacionada Ferida grave en Salceda unha muller por un posible novo caso de violencia machista

Sen comentarios

Escribe o teu comentario




He leído y acepto la política de privacidad

No está permitido verter comentarios contrarios a la ley o injuriantes. Nos reservamos el derecho a eliminar los comentarios que consideremos fuera de tema.

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Aviso legal - Política de Cookies - Política de Privacidade - Configuración de cookies - Consello editorial - Publicidade
Powered by Bigpress
CLABE