Morre un home tras atragantarse nun bar en Narón
O persoal sanitario practicou as manobras de reanimación ao home, de 63 anos, pero non puideron facer nada para salvarlle a vida.
Un home duns 63 anos de idade faleceu a última hora da tarde do martes tras atragantarse nun céntrico bar no termo municipal de Narón (A Coruña).
Segundo informou o 112 Galicia, os feitos tiveron lugar a última hora da tarde do martes nun establecemento situado na Avenida de Santa Icía.
O 112 Galicia sinalou que tivo constancia da situación ás 20,15 horas do martes a través da alerta de Urxencias Sanitarias de Galicia-061. O persoal da central de emerxencias alertou á Policía Local e á Policía Nacional.
Ao lugar o 061 desprazou unha ambulancia medicalizada e o persoal sanitario practicou as manobras de reanimación ao home que se atragantara pero non puideron facer nada para salvarlle a vida, segundo indicaron a Europa Press fontes sanitarias, e confirmaron o falecemento do home M.S.B.M., de 63 anos.
Ata o bar no que se produciu o falecemento deste home desprazáronse tamén senllas patrullas da Policía Local e Nacional.
Condenado a 20 anos de prisión polo asasinato da súa muller en Narón
Escribe o teu comentario