Un helicóptero súmase á procura da octoxenaria desaparecida en Meira
A muller vivía soa desde o falecemento do seu marido.
A Garda Civil prosegue este xoves as labores de procura da muller de 85 anos Oliva López Tellez, desparecida desde o luns no lugar de Murias, na parroquia de Seixosmil, no municipio de Meira (Lugo).
Segundo explicaron fontes do Instituto Armado, o mércores pediuse un helicóptero para, con esta aeronave, completar este xoves os labores para localizar á octoxenaria, que vivía soa desde o falecemento do seu marido.
Varias patrullas da Garda Civil colaboran nos traballos co fin de localizar o paradoiro da muller que abandonou o fogar sen o bastón co que se manexaba e sen o can que a acompañaba "a todos os sitios", segundo comentaron.
No interior da casa, que foi revisada por axentes da Garda Civil, acharon o estado da mesma en condicións "lamentables", mesmo de infrasalubridade, segundo indicaron as mesmas fontes.
Incorporan cans de rastrexo á procura dunha octoxenaria en Meira
Escribe o teu comentario