O PP propón a concesión administrativa de Balaídos para reter ao Celta


|

Himnobalaidos


O grupo municipal do PP no Concello de Vigo propuxo que de estude a posibilidade dunha concesión administrativa do estadio municipal de Balaídos, de maneira que seguise sendo de titularidade pública, pero permitise ao Real Club Celta "a flexibilidade que necesita para xestionalo".


Así o manifestou a portavoz do grupo, Elena Muñoz, tras manter unha reunión co presidente do club celeste, Carlos Mouriño (que hai varios días tamén se reuniu con Marea de Vigo), e sinalou que coincide co directivo en que queren "garantir o futuro, arraigamento e estabilidade" da entidade.


Por iso, indicou que a concesión administrativa podería ser unha posibilidade, á vez que expuxo tamén a conveniencia de que Concello e Real Club Celta cooperen no desenvolvemento da futura cidade do deporte.


En todo caso, Elena Muñoz reclamou a celebración dun pleno extraordinario para analizar as opcións e alternativas existentes e evitar que o club celeste teña que abandonar a cidade (como chegou a insinuar o seu presidente). "Este é un tema que interesa moito á cidade, e debe debaterse en profundidade sobre el", sentenciou.

Sen comentarios

Escribe o teu comentario




He leído y acepto la política de privacidad

No está permitido verter comentarios contrarios a la ley o injuriantes. Nos reservamos el derecho a eliminar los comentarios que consideremos fuera de tema.

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Aviso legal Cookies Consello editorial Publicidade
Powered by Bigpress
CLABE