Plataformas, sindicatos e asociacións en defensa da Atención Primaria impulsan unha Iniciativa Lexislativa Popular
A plataforma 'SOS Sanidade Pública' encabeza esta proposta que mañá, mércores 22 de xullo, presentarán para a súa entrada no "Rexistro do Parlamento".
A plataforma 'SOS Sanidade Pública' encabeza esta proposta que mañá, mércores 22 de xullo, presentarán para a súa entrada no "Rexistro do Parlamento".
A presentación do texto e os seus detalles terá lugar ás 11 horas ante o Pazo do Hórreo, onde estarán reunidos representantes de distintas colectivos que apoian a ILP.
A Iniciativa Lexislativa Popular impulsada polas plataformas que integran 'SOS Sanidade Pública' xa está en marcha. Sindicatos e asociacións que comulgan coas propostas da organización tamén participaron no texto que busca "recuperar e fortalecer" a Atención Primaria en Galicia.
O groso das propostas do colectivo darase a coñecer mañá, mércores 22 de xullo, ás 11 horas ante o Parlamento de Galicia, onde se informará da "entrada no Rexistro do Parlamento" da ILP.
GRAN APOIO POPULAR
A plataforma 'Pediatras e Matronas Xa!', como outras moitas organizacións en defensa da sanidade que operan en distintos puntos de Galicia, xa forma parte desta iniciativa coa que se denuncia a "cada vez máis deteriorada" Atención Primaria do SERGAS.
Este é o "motivo" polo que as organización din verse "na obrigación de presentar esta iniciativa", que contará no momento da súa presentación co respaldo dos "representantes das plataformas territoriais, organizacións sociais, políticas e sindicatos que apoian a iniciativa".
Escribe o teu comentario