"O Concello de Ourense non garantía a seguridade", denuncia Loquillo, que di non ter contrato con Jácome

A oficina de contratación de Loquillo, Big Star Music, asegurou nun comunicado que o Concello de Ourense "non subscribiu contrato algún" para a actuación do catalán o 25 de xuño na cidade.

 

 


|

O Concello de Ourense "non subscribiu contrato algún" con Loquillo. Iso é o que din desde Bis Star Music, a oficina de contratación do artista. 

 

Rulo e a Contrabanda serán o remplazo de Loquillo. Así o anunciou o propio alcalde, Gonzalo Pérez Jácome, cuxa administración ameaza con levar ao cantante ante a Xustiza.

 

Loquillo
Loquillo | Foto: EP

A oficina de contratación de Loquillo, Big Star Music, asegurou nun comunicado que o Concello de Ourense "non subscribiu contrato algún" para a actuación do catalán o 25 de xuño na cidade.

Esgrimen ademais que o Goberno local non ofrecía as "garantías necesarias" para poder levar a cabo a actuación musical "coas mínimas condicións técnicas e de seguridade esixidas".

"A pesar diso, foi o propio alcalde da cidade de Ourense quen anunciou unilateralmente na súa conta de Twitter que Loquillo actuaría nas festas da cidade sen ter un compromiso asinado", insisten.

Nesta liña, remarcan que "nin Big Star nin ningunha canle oficial do artista anunciou nunca este concerto, precisamente, para evitar unha situación como a actual".

Senten non poder estar nunha cidade que "sempre" os acolleu "cos brazos abertos" polo que definen "inacción do consistorio para velar pola seguridade dos asistentes e o equipo do artista, así como atender os estándares de calidade mínimos". "Esperamos ver ao pobo ourensán nun futuro non moi afastado", conclúen.

 

RULO E A CONTRABANDA, NOVA CONTRATACIÓN

Pola súa banda, o Concello de Ourense confirmou este domingo o concerto de Rulo e a Contrabanda, que substituirá a Loquillo o 25 de xuño nas festas da cidade. A actuación, gratuíta, terá lugar ás 23,00 horas.

O alcalde de Ourense, Gonzalo Pérez Jácome, destacou que a contratación do grupo é "unha gran elección", pois ten "moito tirón". "Fíxose unha boa contratación porque cando che deixan colgado sete días antes non che queda moita marxe de manobra", comentou.

O Goberno local denunciaba este sábado que Loquillo rompera unilateralmente o contrato para actuar en Ourense o 25 de xuño, algo que poñerían en coñecemento da xustiza. Sinalaban ademais que, a pesar das explicacións dadas pola axencia de representación do artista, o cambio debíase á asistencia de Loquillo a un festival, confirmado a última hora.

 

Sen comentarios

Escribe o teu comentario




He leído y acepto la política de privacidad

No está permitido verter comentarios contrarios a la ley o injuriantes. Nos reservamos el derecho a eliminar los comentarios que consideremos fuera de tema.

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Aviso legal Cookies Consello editorial Publicidade
Powered by Bigpress
CLABE