Mel de Galicia celebra o Día Mundial das Abellas cos nenos e nenas hospitalizadas en pediatría

Este luns 23 de maio o equipo se desprazará ata o Complexo Hospitalario Universitario de Santiago (CHUS).

O Día Mundial das Abellas coincide, ademais, co nacemento do pai da apicultura Anton Janša.

Arquivo - Colemna de abellas.

O 20 de maio celébrase o Día Mundial das Abellas e Mel de Galicia quixo festexar este día cos pequenos ingresados en Santiago de Compostela. Deste xeito, o Consello Regulador da Indicación Xeográfica Protexida Mel de Galicia decidiu elaborar unha actividade na que poidan ensinarlles o mundo da apicultura.

A organización deste pequeno proxecto corre a cargo da presidenta do Consello Regulador, Ester Ordóñez, e da técnica Beatriz Ríos. Como todos os anos, buscan concienciar sobre o traballo que realizan estes antófilos polinizadores e explicar as ameazas ás que están expostas. 

Por tanto,  ambas realizarán unha actividade baseada na aprendizaxe dos elementos requiridos para a extracción de mel. Tamén explicarán as diferenzas entre os tres tipos de individuos que habitan nas colmeas e ensinarán como son os paneis onde as abellas a gardan. 

Tamén ensinarán de maneira didáctica as calidades do traballo e de a persoa que exerce de apicultora e envasadora. Para iso mostrarán aos pequenos os materiais que precisan para extraer o doce e crear o mel que chega aos comercios. 

Ademais, en tal día consideran importante subliñar a necesidade de incentivar un desenvolvemento sostible para non perder a calidade natural dos ecosistemas e a biodiversidade. Este ano, por tanto, serán os nenos e nenas hospitalizados no centro compostelán os que poderán coñecer, de primeira man, a situación actual das abellas. 

CURIOSIDADE

O Día Mundial das Abellas coincide co nacemento do pai da apicultura moderna, Anton Janša. Naceu en Eslovenia, un país de gran tradición cultural apícola, e contribuíu á difusión do seu traballo a nivel mundial. 

Foi pioneiro no deseño de colmeas, pois ideou a colocación de alzas e cadros móbiles. Ademais, recolleu tódoloos seus coñecementos sobre a profesión en varios libros sobre apicultura, destacando as súas achegas sobre a enjambrazón das abellas ou sobre a eficacia de desprazar colmeas a outras zonas para aproveitar as distintas floracións.