Declaran como asasinato machista o dunha octoxenaria de Vigo apuñalada en Arona, Tenerife
Foto: @g24noticiasO marido da vítima, de 84 anos responsable do asasinato da muller, segue baixo custodia policial nun centro hospitalario.
A parella, residentes en Vigo, pasaba tempadas na illa canaria.
A Delegación do Goberno en Canarias confirmou este xoves que o asasinato dunha muller galega de 83 anos presuntamente a mans do seu marido na tarde deste mércores en Arona é un caso de violencia de xénero, unha vez avanzou a investigación da Policía Nacional.
Os feitos producíronse ao redor das 16.30 horas cando os axentes da Policía Nacional compareceron nunha vivenda, por mor dunhas chamadas veciñais ao 112, e atoparon o cadáver da muller, con feridas de arma branca, xunto ao seu marido.
BAIXO CUSTORIA
O home, de 84 anos, atópase nun centro sanitario baixo custodia policial para recuperarse das súas feridas. A parella, ambos os residentes en Galicia, atopábase no sur da illa pasando unha tempada de vacacións e non constan denuncias por violencia de xénero.
O Cabildo de Tenerife e o Concello de Arona celebraron este xoves concentracións e un minuto de silencio en repulsa polos feitos.
Escribe o teu comentario