O concelleiro de Obras de Santiago "non está capacitado para o cargo", acusan os grupos polos atrasos de Concheiros

O pleno municipal censura as obras de Concheiros, que acumulan xa varios atrasos na súa data de finalización e que afrontan unha nova prórroga. 

A obra causou o distanciamento entre os socialistas, que gobernan en minoría, e o BNG e Compostela Aberta, aos que necesita para sacar adiante as súas propostas, pero que ven ao reponsable de Obras, Javier Fernández, "non capacitado para o cargo".

Javier Fernández  en rolda de prensa no Concello de Santiago  | Foto: Arquivo EP

O pleno do Concello de Santiago reproba a xestión municiapl das obras de remodelación do barrio de Concheiros, que acumulan xa varios atrasos nos prazos de entrega, o último, vecido o pasado 22 de xaneiro.

Os votos dos grupos da oposición --PP, Compostela Aberta e BNG-- permitiron que prosperase a moción rexistrada polos nacionalistas e que contou cos únicos votos en contra do Partido Socialista, que sustenta o goberno local de Sánchez Bugallo en solitario e minoría.

O propio rexedor compostelán tomou a palabra durante o debate da iniciativa na segunda quenda de intervencións para defender a xestión do seu goberno das obras e atribuír os atrasos á empresa encargada dos traballos, as "complicacións" atopadas durante o proceso e os cambios sobre o proxecto orixinal "herdado" do anterior mandato.

"Se non fose por este goberno, esa obra non estaría feita", aseverou o alcalde, que incidiu en que a Xunta "estaba disposta" a non executar o proxecto, no que "introducíronse cambios que non figuraban" no orixinal e "melloras a pedimento dos veciños".

Para a oposición, a xestión das obras, iniciadas a finais do verán de 2020 cun período de execución de nove meses. Ante este primeiro incumprimento, o executivo local concedeu unha prórroga ata novembro e unha segunda que venceu o pasado sábado coas obras lonxe de estar concluídas. A empresa, expedientada agora polo concello, solicitou unha nova ampliación por 49 días.

Durante a defensa da moción, a portavoz do BNG, Goretti Sanmartín, incidiu en que grupos da oposición e veciños da zona permanecen "asombrado" ante "o xogo da confusión" que, di, practicou o goberno local desde o pasado verán "negando que ía haber atrasos cando eran evidentes".

"O único que falta é que o propio concello sexa quen termine as obras pola incapacidade da empresa", sentenciou Sanmartín, que lamenta a "falta de interlocución" por parte do executivo local cos veciños do barrio.

Pola súa banda, a edil do PP María Antón acusou ao goberno de "enrocarse no seu altanería" ante unha xestión que considera carente de "transparencia" na que estiveron "enganando aos veciños desde o mes de setembro".

O concelleiro de Compostela Aberta Jorge Duarte, responsable da área de obras durante o pasado mandato, no que se configurou o proxecto inicial; remarcou que o acontecido coa remodelación de Concheiros é a mostra de que o edil de Obras, Javier Fernández, "non está capacitado" para o cargo.

Precisamente Fernández foi o primeiro en intervir por parte do grupo de goberno para atribuír aos seus predecesores no executivo, Compostela Aberta, parte da culpa polos atrasos do proxecto.

"Coñecían as dificultades para a súa execución e quizais por iso non o fixeron", aseverou o edil de Obras.