Gadisa ampla a súa rede de establecementos Caludio Express coa apertura dun local en Tomiño​

A compañía segue ampliando as súas fronteiras coa inauguración dun novo supermercado, que abrirá todos os días do ano.

Desta forma, este novo punto de venda supón dar continuidade ao crecemento exponencial de 2021, xa que se suma aos 24 establecementos novos en Galicia, Asturias, Madrid e Castela e León cos que pechou o ano.

Inauguración do Claudio Express | Foto: EP

A compañía de distribución Gadisa abriu un Claudio Express en Tomiño (Pontevedra), situado nun complexo con estación de servizo Shell, no quilómetro 4 da estrada comarcal 550.

O establecemento permanecerá aberto os 365 días do ano e contará con máis de 800 artigos de distintas marcas, entre elas a marca propia de Gadisa, IFA.

A compañía destacou, nun comunicado, que con esta apertura creáronse sete empregos. Ademais, a actividade da empresa favorece a fixación da poboación en contorna semiurbanos e rurais. Nesta liña, lembraron que a empresa conta con 900 profesionais que traballan en puntos de venda franquiados neste tipo de zonas.

Este novo punto de venda súmase aos 24 establecementos novos en Galicia, Asturias, Madrid e Castela e León cos que pechou o ano 2021, un ano no que experimentou "un gran crecemento".

Sobre este crecemento, a empresa sinalou que en Asturias e Madrid implantouse por primeira vez o modelo de negocio das súas franquías que, na actualidade, suma 215 establecementos. Destes, 122 son supermercados Claudio, situados en medianos e pequenos núcleos de poboación, e 93 operan baixo a insignia Claudio Express e están situados principalmente en estacións de servizo.