Gonzalo Caballero confínase tras o positivo do seu fillo de dez anos; Yolanda Díaz retoma a súa axenda
Gonzalo Caballero non lanzou un resultado positivo nos test, pero ao confirmarse o contaxio do seu fillo maior debe gardar corentena ao ter algúns síntomas.Yolanda Díaz, pola contra, anunciou que xa se atopa recuperada despois de dar positivo a pasada semana.Gonzalo Caballero | Foto: EPLos políticos, como non podía ser doutra forma, tampouco son inmunes ao virus, e nesta sexta onda os positivos entre as figuras da política galega foron unha constante. O último en caer, aparentemente, é Gonzalo Caballero, ex secretario xeral do PSdeG e aínda parlamentario a pesar de perder a portavocía. O socialista anunciou a través de Twitter que o seu fillo de 10 anos dera positivo en Covid-19 esta mañá.
Gonzalo Caballero non lanzou un resultado positivo nos test, pero ao confirmarse o contaxio do seu fillo maior debe gardar corentena ao ter algúns síntomas.
Yolanda Díaz, pola contra, anunciou que xa se atopa recuperada despois de dar positivo a pasada semana.
Gonzalo Caballero | Foto: EP
Os políticos, como non podía ser doutra forma, tampouco son inmunes ao virus, e nesta sexta onda os positivos entre as figuras da política galega foron unha constante. O último en caer, aparentemente, é Gonzalo Caballero, ex secretario xeral do PSdeG e aínda parlamentario a pesar de perder a portavocía.
O socialista anunciou a través de Twitter que o seu fillo de 10 anos dera positivo en Covid-19 esta mañá. "En casa temos síntomas de catarro, eu dei negativo en antígenos e no teléfono da Xunta acaba de dicirme que debos estar ailasdo estes días ata descartalo", informou Caballlero. "Toca confinarse uns días, pero seguirei traballando desde casa", relatou.
A outra cara da moeda atopámola na ministra de Traballo e vicepresidenta segunda do Goberno de España, Yolanda Díaz, que se atopa xa recuperada da enfermidade e que martes retomará a súa axenda.
Tamén en redes sociais quixo agradecer o agarimo recibido e lembrou a importancia de vacinarse: "A vacinación e as medidas de seguridade refórzannos fronte ao virus". Díaz preve participar mañá na reunión do Consello de Ministros e outros actos.
Escribe o teu comentario