En prisión provisional o presunto asasino do profesor xubilado achado morto no seu domicilio de Vigo​

|

Xustifícaa ratificou a prisión provisional para David M.C. veciño de Monforte (Lugo) de 21 anos de idade, ao que se investiga en relación ao asasinato de Benito T.S., profesor xubilado de 69 anos.


O detido foi relacionado co caso logo de ser interceptado nun control policial con tarxetas de crédito e documentos da vítima. 


Trasladan aos xulgados de Vigo ao detido polo crime do Areal.

Foto: EP


O Xulgado de Instrución número 4 de Vigo ratificou a medida de prisión provisional, comunicada e sen fianza, para David M.C. veciño de Monforte (Lugo) de 21 anos de idade, investigado pola súa presunta vinculación co asasinato dun profesor xubilado en Vigo.

O mozo chegou na mañá deste xoves aos xulgados da cidade olívica procedente da prisión da Lama, onde ingresou o pasado venres por orde do Xulgado de Instrución número 5.

Esa sala inhibiuse en favor do Xulgado de Instrución número 4, que estaba de garda no momento dos feitos, e ante cuxo titular compareceu o investigado, que de novo acolleuse ao seu dereito a non declarar. O maxistrado ratificou a medida de prisión ditada hai case unha semana. Ademais, tomáronselle mostras de cabelo para análise de tóxicos.


DETENCIÓN

David M.C. foi detido o pasado 4 de xaneiro, tras ser interceptado pola Garda Civil nun control de tráfico na AP-53, no municipio de Silleda (Pontevedra).

A súa actitude e, sobre todo o feito de que portaba documentos dun veciño de Vigo (Benito T.S., profesor xubilado de 69 anos) e as súas tarxetas bancarias, levantou as sospeitas dos axentes, que contactaron con Policía Local e Policía Nacional de Vigo.

Os funcionarios policiais tentaron localizar ao veciño da cidade olívica e, tras falar cun familiar, accederon ao seu domicilio na rúa Areal. Alí atoparon o seu cadáver cun corte profundo no pescozo, cortes no peito e golpes na cabeza.

A Policía continúa coas pescudas para tratar de esclarecer as circunstancias que rodean este crime, entre elas, os gastos que o investigado (que ten antecedentes por estafa) realizou coas tarxetas bancarias da vítima, e a posible adquisición de dous vehículos de segunda man con diñeiro do falecido.

Sen comentarios

Escribe o teu comentario




He leído y acepto la política de privacidad

No está permitido verter comentarios contrarios a la ley o injuriantes. Nos reservamos el derecho a eliminar los comentarios que consideremos fuera de tema.

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Aviso legal Cookies Consello editorial Publicidade
Powered by Bigpress
CLABE