Detido en Chantada por presuntamente violar e reter á muller coa que quedara para coñecerse
Tras pasar a disposición xudicial, quedou en liberdade e impúxoselle unha orde de afastamento e prohibición de comunicación coa vítima
A muller, que chegara á localidade lucense desde Lugo, logrou abandonar o domicilio nun descoido do seu presunto captador e conseguiu alertar ás autoridades.
Tras pasar a disposición xudicial, quedou en liberdade e impúxoselle unha orde de afastamento e prohibición de comunicación coa vítima.
Foto: @G24
Un home foi detido en Chantada (Lugo) acusado de supostamente agredir sexualmente a unha muller, de mediana idade, que se desprazou a esta localidade lucense para visitalo.
Segundo confirmaron a Europa Press fontes próximas á investigación, a muller requiriu os servizos dos axentes cando se atopaba perdida nunha rúa e denunciou que fora agredida sexualmente por un home ao que visitara.
Estas fontes sinalaron que a muller asegurou que levaba varios días retida neste inmoble, situado no centro urbano de Chantada. Ante estes feitos, a Garda Civil procedeu a deter ao home acusado dun suposto delito de agresión sexual.
Pola súa banda, fontes xudiciais sinalaron que o detido, que está investigado por un presunto delito de agresión sexual, pasou na xornada do martes ao dispor do Xulgado único de Chantada.
Tras iso, o xuíz decretou a súa posta en liberdade e impúxolle unha orde de afastamento e prohibición de comunicación coa vítima.
Escribe o teu comentario