Unións Agrarias logra retirar da distribución o leite de Lactalis e Capsa esta fin de semana ​dos supermercados

A guerra aberta entre gandeiros e as grandes marcas leiteiras entrou nunha nova fase co bloqueo de cartóns de Larsa, President, Puleva ou Ram. 

UU.AA. lembra que os prezos que perciben os produtores en Galicia (33,3 céntimos por litro) están á cola de España.

Protestas ante Larsa | Foto: EP

Unións Agrarias (UU.AA.) informou de que logrou o "xesto" da distribución para que retire de supermercados as marcas de leite líquido de Lactalis e Capsa. A organización agraria reclama que a industria faga chegar aos gandeiros a subida que se aplicou nos lineais aos consumidores.

Deste xeito, desparecerán das grandes superficies durante uns días os cartóns de leite de Larsa, President, Puleva e Ram, entre outras, segundo indica UU.AA. nun comunicado.

Nos últimos días, Unións Agrarias protagonizou protestas co bloqueo da entrada das plantas de Larsa (en Outeiro de Rei) e Lactalis (en Vilalba) para reclamar unha subida nos prezos que se pagan a gandeiros polo seu leite ante o incremento de custos de produción.

E é que critica que, tras lograrse que a distribución "aceptar incrementar o prezo de venda ao público", "daquela esa subida non se traslade aos gandeiros".

Neste sentido, a organización agraria insiste en denunciar que os prezos que perciben os produtores en Galicia (33,3 céntimos por litro) están á cola de España, á vez que os seus custos de produción incrementáronse un 26% nos últimos meses.