Recollida de fondos no Deportivo - Estremadura para lograr "un xuízo xusto en Filipinas" polo canteirán Diego Belo​

A Asociación Xustiza para Diego inicia en Riazor unha campaña para recadar fondo ás portas do proceso para esclarecer o asasinato do galego a mans da policía filipina en 2020.

Campaña do Deportivo na que participou Diego Belo 

A Asociación Xustiza para Diego inicia este domingo unha campaña para recadar fondos, con motivo do partido Deportivo-Estremadura, para axudar a conseguir un "xuízo xusto en Filipinas pola súa morte a mans da policía filipina en xaneiro do 2020", segundo informan.

Esta campaña consistirá na edición e venda de '1906', canción publicada no verán do 2014 "e que por moitos deportivistas está considerada o himno oficioso do Real Club Deportivo", indica.

Para iso, habilitarase a caseta de 'AsistiDÉ', situada nas proximidades da DeporTienda do estadio para a venda do CD. O horario de venda ao público será de 10,30 a 15,00 horas e o prezo de venda será de tres euros. Con posterioridade, haberá unha venda habilitada por Internet.